الدلعونا الفلسطينية - منـتديـات منـظمـة الإخـتـراق الـعـالـمـية

كينغ · #1 03-06-2008, 08:55 PM

الدلعونا وهي من صميم فلكلور فلسطين تعنت بلهجات شاميه وكذلك لبنانية لكن تجد في دلعونة فلسطين شيئا" لربما كان غريبا" عن ماتغنوا بها الاوهو الحنان والشوق للوطن السليب.

على دلعونا على دلعونا ياحباب القلب معكم خذونا
اول مانمدح نمدح نبينا ويوم القيامه يتشفع فينا
كثير قلت لك غير وبدل بتعدل بالدهر وماهو متعدل
لو بتظل تمشط شعرك وتجدل عمره ما يصفالك قلبي الحنونا
من شارع يافا ولتل ابيب والبنت بتدرج ع القباقيب
وريتك ياحلوه حظي ونصيبي وانروح سياحه ع فلسطينا

على دلعونا وبتحب الشايب وقلبي من جور الليالي ذايب
بحاش القبر على النصايب ورشو ع الكفن زهر الليمونا
طارت طياره مدهونه بويه قلبي وجعني من مرت ابويا
تجوز ع امي وانا زغنونه وتحرم علي دارك يابويا

قعدت تمشط وهي عمتها 18 بكله حاطه يسالفها
سعيد ومسعد ياللي موالفها في فصره العالي 12بلكونه
على دلعونا ومرت ما مرت من وادي الكحل من عيني جرت
على دلعونا يابو الجدايل قضينا العمر عنك بنسايل
ماطرح ماداست الارض اخضرت ومطرح مامشت نبت حنونا
ولما التقينا مثل الخلايل الحامض والحلو اصبح حلقوما

ياجبل حايط ياجبل حايط عقل البنيه من الفرقه شايط
لاذبج لابوها سبع ربايط واذبح لامها كبش بقرونا
ياللي سافرتو امع السلامه بالله تخلولي في الدار علامه
وان برجاكم ليوم القيامه بالله عليكم او عو تنسونا

صفوا الكراسي طاره ع طاره نادو حبيبي من وسط الحاره
حطو ا بحزامه خرزة مراره من خوف الحسد ليبغضونا
ع البيدر بدرس عالبيدر بدرس محمل جماله زيتون لقبرص
بالله عليكم ياللي في قبرص تردو غزالي يرجع لهونا
صلوا ع النبي ياللي في السهره بتغنوا عا البيضه ولا عا السمرا
لاانا في البيضه ولا بالسمرا بدي حبيبي اسود العيونا

03-07-2008, 06:55 PM

مشكووووووووووووووووووور ياخوي

كينغ · 03-08-2008, 04:46 PM

تسلم ومشكور على مرورك...