اي من اللي فيني

من الهم والغم من مشكلتي المعقده

هذي قصتي وانتم احكموا ,,, ما أظن بلقى حل لكن اقل شي افضفض

انا خطبت بنت عمي كنت ابي اتزوج وبس ومدحوها لي وطبعاً اخوي كان يحبها وهي تحبه وانا مدري عن اي شي مثل الاطرش بالزفه
انا مدري ليه اخوي ماخبرني انه يحبها وخلاني اخرب حياتي واعيش الهم والغم
طبعا بعد ماخطبت بنت عمي كنت الاحظ انها مب يمي ابد وكنت وقتها احاول اكلمها بس كانت ترفض وبعد سنتين اتصلت فيني واشوفها مقبله علي وتحبني , استغربت وش اللي غيرها مع اني كنت احاول وافكره كثير اني اتركها طبعا هذا كله قبل ما ادري انها كانت تحب اخوي وبعد ماحبيتها وقلبي مال لها بعد شهور من مكالمتي لها صارحتني ان اخوي كان يكلمها وكان بينهم حب وحاول يخطبها وانها انصدمت من خطبتي لها واخوي بعد انصدم وانا كنت ما ادري عن شي وتقولي ان اخوي جلس يكلمها فتره بعد ماخطبتها وانه ماقدر يسوي شي وحتى البنت ماقدرت ترفض عشان اهلها فقالها اخوي الى متى بنتم كذا وماراح نتزوج وقالها انه الافضل يتركون بعض وتركوا بعض بعد ماخطبتها بسنة وانا بهذي السنة كنت اشوفها مب يمي
بعدها جلست البنت تدعي علي بالموت ورب العزة انها قالتلي كذا انا انصدمت صدمة مابعدها صدمة خاصة بعد ماحبيتها والحين زواجي بالاجازة وتجهزنا للزواج من كل النواحي يعني خسرت للحين 80 ألف وانا الحين مملك عليها و اني للحين احسني عقلي مو معي ابد مو مستوعب اللي صار
افكر اتركها وهذا اللي ودي اسويه بس فضيحه وربي فضيحة بعد ماجهزنا كل شي واقاربي ساعدوني ببعض المبالغ وصرفتها غير هذا وين اودي وجهي عند عمي اللي شاريني

ياااااارب وش اسوي ,, ودي اهجرهم وأريح راسي